تلقى حسام حسن المدير الفني لمنتخب مصر أخبار سعيدة بعودة محمد عبد المنعم للتدريبات من جديد وذلك بعد تعافيه بشكل كامل من إصابة الرباط الصليبي.
يأتي ذلك قبل معسكر المنتخب المقبل والمقرر إقامته في مارس والذي يتخلله وديتين أمام السعودية وإسبانيا.
وكان محمد عبد المنعم قد تعرض لإصابة الركبة في شهر ابريل الماضي خلال مشاركته مع فريقه الفرنسي نيس.
ونشر محمد عبد المنعم عبر حسابه الرسمي بمواقع التواصل الإجتماعي صورا له في تدريبات نيس، وعلق عليها قائلا:
"الحمد لله دائماً وأبدا انهارده اول يوم تمرين ليا بعد فتره هي الاصعب في حياتي دخلتني في اكتئاب وتوتر من المستقبل خلتني اشوف مستقبلي بشكل مختلف عن اللي كنت بحلم بيه".
"بس التفكير هنا طول الوقت مش هسيب حلمي واني اقدر اعدي اي مرحله صعبه حسيت بكمية الحب والتعاطف والدعم معايا لما حصلت الاصابه وده اتاثرت بي نفسيا بس في نفس الوقت خلاني احس بالمسؤلية اتجاهم كنت بشتغل وهدفي قدام عيني وان هرجع تاني واكون عند حسن ظنهم".
"ومن هنا وحسيت ان كل حاجه انا وصلتلها مكنش شطاره مني ده كانت ترتيبات ربنا ليا قربت منه اكتر حسيت بالرضا وحسيت ان ربنا بيقولي متقلقش انا جنبك ومش هسيبك ف ارتحت وهنا التفكير اتغير لما حسيت بالرضا النجاح مهم جداً بس الاهم منه هو علاقتك مع ربنا ومن اهم النعم الناس اللي بتحبك بصدق واللي وجودهم في حياتك بيخليك انسان احسن".
"اتعلمت ان اكون حامد من غير شروط اسعي واشتغل واتعب بس في نفس الوقت احافظ علي كنوزي الحقيقية اهلي وأصحابي والقلوب اللي بتقف جنبك في كل لحظة لأن دول اللي بيفضلوا يوم ما تتعب او تمرض او حته ترحل واللي بيفضل فعلا هو الذكري والدعوة الحلوة واللحظة اللي بتبقي اثر في قلب كل واحد لأن الاستثمار الحقيقي هو الاستثمار في الذكريات بيخلي اللحظات تعيش فوق عمر الانسان".
"شكرا من قلبي لكل واحد افتكرني وبعت كلمه او دعا لي وجودكم حواليا بيكبر المعني ويطول عمر اللحظات الحلوة شكرا علي دعمكم".
"ممتن لكل من وقف بجانبي وساندني - الحمد لله، عدت إلى الملعب مرة أخرى، أرجو أن تذكروني في دعائكم،وأتمنى بداية جديدة رائعة".