وجه كريم نيدفيد رسالة للأهلي وجماهيره بعد رحيله رسميا عن صفوف المارد الأحمر وإنتقاله بشكل نهائي لنادي سيراميكا كليوباترا بداية من الموسم المقبل 2025-26.
وكتب نيدفيد عبر حسابه الشخصي بمواقع التواصل الإجتماعي "ابتدت قصتى مع النادى الأهلى من وأنا 8 سنين، لما انضميت لقطاع الناشئين كان حلم عظيم وشعور لا يوصف لما اتصعدت للفريق الأول وعدى العمر والوقت وبقيت واحد من كباتن الفريق، ودلوقتى قصتى بتنتهى كلاعب بعد 22 سنة فى الكيان الكبير شوفت فيها كل الحب والاحترام والتقدير والنجاح والبطولات، بينتهى دورى كلاعب داخل صفوف الفريق ولكن يفضل حبى وعشقى للنادى باقى وثابت طول العمر".
وأضاف "كل الشكر لزملائى اللى اتشرفت باللعب معاهم على مدار الرحلة وكل الشكر لكل المدربين والأجهزة الفنية والطبية والإدارية ولعمال النادى الأهلى المخلصين، كل الشكر لمجلس إدارة النادى الأهلى ولرئيس النادى الأسطورة كابتن محمود الخطيب، على تفهمه وعلى احتوائه فى أصعب المواقف اللى عدت عليا فى النادى وخصوصا وقت الإصابة وكان بمثابة الأب، شكرا على دعمك دايما، وأخيرا شكرا لجمهور النادى الأهلى الكبير على كل شىء".