كتب المدافع ياسين مرعي عبر حسابه الرسمي بمواقع التواصل الإجتماعي رسالة وداعية لنادي فاركو بعد إعلان رحيله عن الفريق بشكل رسمي.
واقترب النادي الأهلي من إعلان التعاقد رسميا مع المدافع ياسين مرعي بعد إنهاء كافة الإجراءات الخاصة بضم اللاعب لمدة 5 مواسم قادمة.
وكتب ياسين مرعي:
"بعد أربع سنين من العمل والمواقف والتجارب، حان الوقت أقول شكراً من القلب لفريق فاركو
الفترة اللي قضيتها معاكم كانت أكتر من مجرد شغل، كانت عيلة، كانت دعم، كانت دروس اتعلمتها وهتفضل معايا طول العمر.
شكراً لكل حد اشتغلت معاه، لكل كلمة دعم، لكل تعاون، لكل لحظة تعبنا فيها مع بعض عشان ننجح.
أنا فخور إني كنت جزء من الفريق ده، وفخور بالإنجازات اللي حققناها سوا.
الوداع مش نهاية، هو بداية جديدة على أرض ثابتة. وهفضل دايمًا ممتن لذكريات الأربعة سنين اللي فاتوا.
فاركو… شكرًا من القلب".