وجه محمود عبدالرازق شيكابالا قائد الفريق الأول لكرة القدم بنادي الزمالك رسالة لجماهير النادي الأهلي بعد إعلان اعتزاله بشكل رسمي.
وقال شيكابالا في تصريحات تلفزيونية: اللي حصل من جمهور الأهلي اتجاهي كان صعب جدا لو كان فيه حد جابلي حقي كنت هسكت لكن كل المواقف حقي مكنش بيجي، كنت بضطر أرد وأنا من النهاردة عايز أخرج من الكرة والرحلة، واعتزالي ميكونش فيها خناقات مع حد أشوفهم في الشارع نسلم على بعض لو حد زعلان مني يكون الزعل خلص هنا لأن أنا فعلا مش بشيل من حد وأنا دايما بكون رد فعل أتمنى الزعل ينتهي.
وشارك شيكابالا للمرة الأولى رفقة الزمالك يوم 16 يناير عام 2003 في لقاء ذهاب دور الـ16 من بطولة كأس مصر ضد غزل المحلة وسجل حينها هدف انتصار الفريق الأبيض الوحيد.
وفاز شيكابالا مع الزمالك ببطولة الدوري المصري 4 مرات وكأس مصر 7 مرات وكأس السوبر الأفريقي 3 مرات وكأس السوبر المصري مرتين وكأس الكونفدرالية مرة ودوري أبطال أفريقيا مرة.