نفى حمزة علاء حارس النادي الأهلي كل التقارير التي تتحدث عن رفضه عقد جلسة مع مسئولي النادي من أجل تجديد عقده مع الفريق.
وينتهي عقد حمزة علاء مع الأهلي نهاية الموسم الجاري، حيث يحق للحارس التوقيع لأي نادي خلال الوقت الحالي والإنتقال له مجانا في الموسم المقبل.
وكتب حمزة علاء على حسابه الرسمي بمواقع التواصل الإجتماعي "يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ".
وأضاف "رسالة لجماهير النادي الأهلي الغالية، حابب أوضح حاجة مهمة بخصوص الكلام اللي اتقال عني في الإعلام مؤخرا، واللي بيقول إني رفضت أقعد مع إدارة النادي أو الناس المسؤولة في النادي اللي أتشرف بالانتماء ليه منذ طفولتي وحتى الآن.. الكلام ده كله مش حقيقي ومفيش منه أي حاجة صح".
وأكمل "أنا عمري ما اتأخرت عن أي اجتماع يخص مصلحة النادي، وبحترم كل شخص مسؤول في الكيان ده، وموجود دايما عشان أسمع وأتكلم في أي وقت يتطلب كده".
وأوضح "النادي ده ليه مكانة كبيرة عندي، وكل يوم بفتخر إني بلبس التيشرت بتاعه، وبحس دايما بدعمكم اللي لا يقدر بثمن، واللي هو الدافع الحقيقي في كل يوم ليا في نادينا العظيم".
وأردف "جمهور النادي الأهلي، أنتم ليكم فضل كبير جدا جدا عليا، وأنتم سبب كبير جدا ورئيسي في اللي وصلت له، مستحيل أنكر، عمرهم ما كانوا عاديين، وأنا شايل ليكم تقدير وحب كبير فوق ما تتخيلوا، وبعتقد إن أنا حبي للنادي وللكيان ملوش حدود".
واختتم "عمري ما أقدر أغلط لا في النادي ولا جمهوره، ولا أي مسؤول داخل النادي، وأنا مش الشخص اللي يكون له موقفه مع النادي، فأنا أتشرف بالانتماء ليه ولجماهيره".